Simu ya kifaru

 Story fupi ya kuchekesha: "SIMU YA KIFARU"

Siku moja jamaa mmoja aitwaye Banza aliamua kwenda kununua simu mpya mjini. Alikuwa amechoka kutumia "kabambe" ya miaka kumi iliyopita ambayo betri yake ilidumu kuliko mahusiano yake yote.

Banza akaingia kwenye duka moja la simu na kumkuta muuzaji wa kicheko. Jamaa akamuuliza,

"Simu gani kali kuliko zote hapa?"

Muuzaji akamwambia,

"Tunayo simu mpya ya kijeshi, haivunjiki, haina virus, ina kamera ya mbinguni, na betri inadumu siku 30."

Banza akasema kwa mbwembwe,

"Nataka hiyo! Nimechoka kutumia simu inayoishi kama bata wa Krismasi."

Muuzaji akampatia ile simu ya kijeshi, yenye sura kama redio ya jeshini. Banza akaifurahia kweli, akaiweka mfukoni na kutoka.

Njiani akakutana na vibaka watatu. Wakamsimamisha na kusema,

"Toa simu au tukutoe roho!"

Banza bila wasiwasi akawapa ile simu. Vibaka wakaiangalia, mmoja akasema:

"Hii ni simu au power bank ya kiwanda?"

Wa pili akaiangusha chini, ikadunda kama jiwe la mto lakini haikuvunjika.

Wa tatu akajaribu kuiwasha, ikaanza kutoa sauti kubwa kama redio ya mpira:

"JESHI LA ULINZI LINAONYA! HII NI SIMU YA KIJESHI!"

Vibaka wakakimbia kama wamekutana na mamba mjini!

Banza akainama, akachukua simu yake, akaiweka mfukoni, akasema:

"Hii si simu... ni

 ulinzi wa taifa."

MWISHO.